Во лечењето на хипотиреозата, исклучително важна е промената на животните навики која вклучува секојдневна физичка активност, опуштање, намалување на стресот и исхрана богата со материи кои овозможуваат нормална работа на оваа жлезда.

Хипотиреоза е состојба при која е намалена функцијата на тироидната жлезда и како резултат на тоа – таа создава премало количество на хормони.

Најчести причини за хипотиреоза се недостатокот на јод во храната и Хашимотовиот тиреодитис - состојба кој доста често се јавува. Во развиените земји во светот јодот се додава во солта како состојка која луѓето ја консумираат и на тој начин се спречува можноста од недостаток на јод во храната. 

Еве што треба да консумирате со цел да ја подобрите функцијата на штитната жлезда:

Јод – Како што спомнавме, јодот учествува во синтеза на хормоните на штитната жлезда и е нејзин составен дел. Главната причина за појава на хипотиреоза е недостаток на јод во храната. Намирници кои изобилуваат со јод се риба, морски плодови, алги, како и млеко и млечни производи, мисиркино месо, кромид, спанаќ, блитва, компири итн. Јодот е лек кој не смее да го запоставите!

Селен – се наоѓа во печурките, морските ракови, бакаларот, туната, телешкиот џигер, бразилските ореви, семките од сончоглед и целите житарки.

Железо – природни извори на железо се црвеното месо, рибата, јајцата, јаткастите плодови, семките од тиква, спанаќот, блитвата и киселата зелка.

Калциум – намирници кои изобилуваат со калциум се зелениот лисест зеленчук, брокулата, млекото и млечните производи, сарделата, лососот, јаткастите плодови, мешунките итн.

Витамин Е – се наоѓа во ладно цедените масла, бадемите, лешниците, семките од сончоглед, доматите, авокадото и зелениот лисест зеленчук.

Омега-3 масни киселини – намирници кои изобилуваат со омега-3 се сардела, инчуни, лосос, туна, ленено и маслиново масло и ореви.

Пробиотици – се наоѓаат во кефирот и во другите видови ферментирани производи.

Витамин Д – иако во мали количини е присутен во некои намирници (на пример во помасната морска риба, јајцата и млечните производи), како основен извор на витамин Д се препорачува умерено изложување на сонце бидејќи со тоа телото природно го произведува овој витамин.

anaNikolic

misoKovac

banerIscelitelMilenium