бркај работа: Како би се опишале себеси?
В.П: Би се опишала себеси како весела, талентирана и амбициозна личност, а за другото оставам на останатите. :)
бркај работа: Зошто се пријави на проектот?
В.П: Се пријавив на проектот затоа што целиот проект беше премногу симпатичен и оригинален, а и отсекогаш сум била фасцинирана од Katy Perry. Oва беше едноставно супер шанса којашто не сакав да ја пропуштам.
бркај работа: Дали очекуваше дека ќе влезеш во топ 20?
В.П: Нема да глумам скромност, очекував дека ќе влезам во топ 20 :). Сите оние кои го имаа видено моето видео имаа позитивни критики, па тоа доста ме охрабри.
бркај работа: Како го снимавте видеото, Ви помогна ли некој при монтирањето на истото?
В.П: Секако дека имав помош. Мора да напоменам дека се започна спонтано. Видеото го снимав во мојот дом со нашиот дигитален апарат. Владееше опуштена и забавна атмосфера, а моите сестри ми помагаа околу идеите, снимањето, изборот на облека, шминка, кадри. Потоа и сами го монтиравме.
бркај работа: Што мислите за конкуренцијата?
В.П: Мислам дека сите видеа се должни за почит и пофални зборови. Сите ние што учествувавме се потрудивме да го дадеме најдоброто од себеси.
бркај работа: За кој од нив би гласале?
В.П: Како што кажав претходно, сите видеа беа одлични. Би гласала за сите и тоа со 5.
бркај работа: Кога би имале можност, би ја донеле ли Katy Perry во Македонија?
В.П: Кога би имала можност секако, таа е прекрасна личност. Има супер вокални способности и стил кој ми се допаѓа премногу. Знам дека тука во Македонија има огромен број фанови кои ја следат и би сакале да учествуваат на нејзини концерти.
бркај работа: Кои песни од Katy Perry најмногу Ви се допаѓаат?
В.П: Дефинитивно секоја нејзина песна е хит. Сите се интересни со огромна доза на шарм. А ако треба да издвојам некоја тоа би била песната за која и го снимав видеото: “Hot `n` cold”. Потоа следуваат: “California gurls”, “Waking up in Vegas”, “Teenage dream”, “I kissed a girl”... Значи сепак, сите ми се допаѓаат! :)
бркај работа: Дали свирите во некој бенд?
В.П: Не, не свирам во никој бенд, но би сакала.
бркај работа: Омилени бендови/пејачи/пеачки?
В.П: Katy Perry, Mariah Carrey, Celine Dion, Тоше Проески, Whitney Houston…
бркај работа: Идол?
В.П: сите претходно наведени ми се идоли.
бркај работа: Дали откако влеговте во топ 20 Ви се случило, некој надвор да Ве препознае?
В.П: Да и тоа многу пати:)!
бркај работа: Имате ли слободно време и како тоа го користите?
В.П: Откако ми завршуваат училишните обврски, времето го посветувам на танцување, пеење, фотографирање...
бркај работа: Ќе читате ли бркај работа откако ќе заврши натпреварувањето?
В.П: го читав и претходно, а се разбира дека ќе продолжам да ги читам содржините и во иднина. :)
