Потенцијално навредливите активности како што се злоупотребата на алкохол или сексуалната експлицитност не би требало да бидат дел од фото албумот. Секогаш постои можност работодавците да го проверат профилот на кандидатот на Фејсбук, а незрелоста може да биде клучен фактор при вработувањето на кандидатот.
Статусите кои се ставаат на Фејсбук би требало да се однесуваат на дневните активности, посебните случувања или идните планови кои се погодни за јавно објавување. Иако статусите понекогаш служат за покренување на групни расправи и дебати, треба да се воздржите од објавување на незгодни и грди коментари кои можат некого да навредат.
Ако организирате дружење со пријателите или членовите на семејството избегнувајте јавно да објавите на нечиј ѕид каде што секој има пристап до пораката. Ако треба нешто посебно да доставите некому секогаш праќајте приватна порака која ќе ја види само таа личност.
На листата на пријатели треба да има место само за луѓето кои ги познавате, а таму никако не смеат да се најдат непознати. Ако го ограничите бројот на луѓе кои може да бидат на листата на пријатели, тоа ќе Ви помогне во спречувањето на кршењето на приватноста и ширењето на вируси. Наместете ги подесувањата за приватност во согласност со тоа колку сакате да го заштитите профилот.
Не ја отфрлајте можноста за комуникација со соработниците и шефовите на Фејсбук, бидејќи така можете повеќе да дознаете за работите и да се изборите за напредок во својата кариера.
И.К | бркај работа
