Научниците од Универзитетот во Њукасл за време на истражувањето на долината Челенџер Дип во Маријанскиот канал, познати како најдлабоки точки на Земјата дошле до необичен заклучок.

Тимот прв пат пронашол пластика во стомаците на морските животни на дното на океанот, што значи дека повеќе не постои дел од светските океани, до кој не дошол човечкиот отпад.

Секое суштество пронајдено на длабочина од 10.890 метри, во својот организам внесло барем некој вид на вештачки материјали, вклучувајќи најлон, "PVC" и "PVA".

Доктор Алан Џејмисон, професор по екологија и главен научник на истражувањето, рекол дека резултатите се прилично загрижувачки и дека бараат итна акција од светските влади.

Тимот тестирал 90 видови ракови во неколку ултра-длабоки ровови во Пацификот - Маријанскиот канал, Изу-Бонин вулканскиот канал, каналот Перу-Чиле, каналот Нови Хебреди и каналот Кердамек. Во секој од нив имало животни кои изеле некој вид на вештачки влакна или пластика, од 50 % на Нови Хебриди, до 100 % во Маријанскиот канал.

- Отпадот кој завршува во океаните доаѓа до нивните најдлабоки точки, а еднаш кога ќе потоне на нивното дно, таму и останува. Тоа значи дека количината на пластика во рововите константно расте, што е многу загрижувачко. Станува збор за проблем од глобални размер - алармира Џејмисон преку Daily Mail.

Статистиката вели дека во океаните секоја година завршуваат 8 милиони тони пластика. Научниците претпоставуваат дека во морињата моментално има околу 300 милиони тони пластичен отпад, а дека до 2050-тата година во океаните ќе има повеќе пластика отколку риби.

Според предвидувањата на експертите, во водите има околу 51 милијарда микропластични честички, што е 500 пати повеќе од бројот на ѕвезди во нашата галаксија.

Поради загадувањето, моментално се загрозени повеќе од 600 видови на риби ширум светот.

anaNikolic

misoKovac

banerIscelitelMilenium