Таа посочи и дека на македонското малцинство во Бугарија треба да му се даде право на самоопределување, а да се регистрираат и партиите на малцинствата.
Македонците во Бугарија ја поддржаа и поздравија ваквата одлука. Тие добија поддршка од австралиско-македонскиот комитет за човекови права и македонското движење за човекови права, кои побараа од бугарската влада да ги спроведе препораките од извештајот без одложување.
Ајзак доследно на пресудите на Европскиот суд на човекови права побара незаобиколно извршување и неодложна регистрација на партиите на малцинствата, како и воведување на мајчиниот јазик во бугарското образование, особено во регионите со голем процент популација што се смета за малцинство: Роми, турски муслимани и Македонци.
„Бугарија ја прекршува Конвенцијата за човековите права, одбивајќи регистрација на здружението ОМО Илинден, што го попречува одржувањето на нивните собири“, стои во одлуката на Европскиот суд за човекови права од месец октомври.
Извор: курир
