Нека им се дозволи да се натпреваруваат и секој тогаш ќе победи, вели Мардок на Твитер.
Изјавата на основачот и сопственик на медиумскиот гигант „Њуз корпорејшн“, доаѓа по претходно дадениот опис на оваа социјална мрежа, дека шкотскиот прв министер Алекс Салмонд е „најбрилијантниот британски политичар“.
„Њуз корпорејшн“, преку британската компанија „Њуз интернешенел“ ги издава „Сан“, „Тајмс“ и „Сандеј тајмс“.
Во Шкотска, дневниот весник „Скотисш сан“ е убедливо најпопуларниот и најчитан весник. Ова гласило во текот на минатогодишните избори за шкотскиот Парламент го поддржуваше Салмонд, кој е лидер на сепаратистичката СНП партија, но весникот е против независноста на Шкотска и нејзиното отцепување од Велика Британија.
Портпаролот на Салмонд изјави дека секоја изјава околу иднината на Шкотска е добредојдена, па и оваа на Мардок. Според портпаролот, независна Шкотска ќе биде добро решение и за Англија. Таквото мислење не го дели тамошната либералдемократска партија, чиј претставник ја осуди изјавата на Руперт Мардок на Твитер.
Извор: курир
