Кога температурите ќе паднат под нулата често во утринските часови може да се слушне бучава од автомобили што работат во лер. Експертите истакнуваат дека станува збор за стара навика од времето кога автомобилите имаа мотори со карбуратори. Тогаш загревањето на моторите при ниска температура на воздухот пред придвижување имало смисла. Денес поновите модели имаат електронско вбризгување на горивото па ова нема никаква цел.

Сензорите ја мерат надворешната температура и системот ја приспособува работата на моторот па се смета дека е доволно моторот да работи само 20-30 секунди пред тргнувањето. Потоа може да се започне со возењето бидејќи моторот побрзо ќе ја достигне работната температура доколку возилото е во движење, отколку кога моторот работи во лер, тврдат од американската Агенција за заштита на животната средина.

Покрај бучавата што ги вознемирува соседите, за животната средина се многу поопасни издувните гасови што ги испушта автомобилот при продолженото работење во место. Едно американско истражување во 2009 година покажало дека работата на автомобилските мотори во лер предизвикува 1,60 % од вкупната емисија на гасовите одговорни за ефектот на стаклена бавча.

За време на зимата попријатно ни е да седнеме во топла кабина отколку да се смрзнуваме при возењето додека да се загрее автомобилот.

Сепак, имајте предвид дека беспотребната работа на вашиот автомобил во лер директно влијае врз квалитетот на воздухот што го дишете и дека е подобро да се издржи малку студ отколку дополнително да ја загадуваме животната средина.

Претходно од оваа категорија:

anaNikolic

misoKovac

banerIscelitelMilenium

  • 30 дена
  • 7 дена
  • 24 часа