Овој 33-годишен маж боледува од Протеев синдром, наречен по грчкиот бог Протеј, кој можел да го менува обликот. Оваа ретка болест, карактеристична по растот на коските и органите, станала позната по снимањето на филмот "Човек слон", вистинска приказна за Џон Мерик.

Енџи Ричардс го запознала Брајан на интернет пред 7 години. Тие се венчале и наскоро ќе ја прослават 4-тата година од бракот, но свесни се дека тој може да умре во секој момент. Иако од почетокот знаела дека лекарите му предвиделе дека ќе живее најмногу 18 години, Енџи не се исплашила.

- На основа на фотографиите на сајтот за запознавање, видов дека нешто не е во ред, но не знаев за што станува збор, ниту ми пречеше. Болести и хендикепи не ме плашат - вели Енџи.

- Пораснав во семејство во кое не ги проценувавме луѓето на основа на изгледот, туку на основа на тоа какви се и како се однесуваат кон другите.

Таа вели дека Брајан е многу нежен, внимателен маж, кој на почетокот на нивната врска возел три часа за да пристигне на роденденот на нејзината ќерка.

- На креветот дури и нацрта пингвин, нејзиното омилено животно - вели таа.

Како Брајан старее, така се случуваат нови промени и состојбата му се влошува.

- И покрај тоа, секогаш има насмевка на лицето ѝ е оптимист, никогаш не се жали - вели Енџи.

Во светот се забележани вкупно 120 случаи на оваа болест. Децата во училиште му се смееле на Брајан, а девојките го одбивале поради изгледот. Пред да ја запознае својата сопруга во 2010. година, не верувал дека некогаш ќе најде љубов.

- За Енџи е поважна внатрешната убавина, отколку надворешната. Пред да ја запознаам, не почувствував многу емоции. Се затворав самиот за да се заштитам, но сега учам отворено да разговарам за проблемите и ѝ кажувам кога имам болки - вели тој.

Кога се венчале, станал татко на 9 годишната ќерка на Енџи, Саманта, на која ѝ помага во учењето.

Одењето низ станот со големо претсобје за него претставува проблем и потешкотија, па семејството се надева дека ќе се пресели во стан кој ќе биде прилагоден за неговите потреби.

Болеста му била откриена кога имал само три години, при што шансите бебе да се роди со овој синдром се еден на милион. Состојбата му се влошила во пубертет, кога коските забрзано растат. За да му го подобрат квалитетот на животот, лекарите го оперирале дури 41 пат. Му ги ампутирале прстите на нозете, му отстраниле коски од колената, а неодамна му извадиле и едно белодробно крило.

Децата во училиште му се смееле, му велеле дека е грд, па паднал во депресија. Кога имал 18 години, мајка му го охрабрила да се прифати каков што е.

- Се расплакав на лекар поради длабоката лузна на коленото по операцијата и мајка ми тогаш ми кажа: "Ќе мораш да прифатиш дека тоа ќе се случува". Тогаш престанав да мислам на тоа што другите го мислат - вели тој.

Бидејќи стапалата му станале двојно поголеми, тој тешко се движи. Има и проблеми со дишењето.

- Колку сум постар, толку повеќе проблеми имам, не знам што е причината за сето тоа, но се обидувам да останам позитивен - вели Брајан.

banerIscelitelMilenium

  • 30 дена
  • 7 дена
  • 24 часа